如何维持异地恋？

如何维持异地恋？

对于异地恋，好多人都係持唔看好的态度的。

佢地会列出一系情况来解析点解异地恋无好结果，但係，正如好多人都知道，食烟係有害身体健康，但係依然有好多人係戒唔到。异地恋都係一样，如果你好中意一个人，但係却由于客观条件，使到两个人被逼要分隔异地，你係会当机立断地即刻同佢分手，定係希望可以同佢一直维系住异地恋，等到过一段时间，大家继续翻一齐呢？我相信在热恋里面，理智的人总係唔多的，而且，有希望又何必放弃呢？係咪，所以，就会有异地恋的形成啦。

其实，对于异地恋来讲，在刚开始的时候，我觉得大家应该先有心理准备，就係，维系起来好难（其实都係人地讲嘎，我就觉得吾算太难啊），纯粹係心理准备咋。当然啦，仲要有克服困难的决心（如果真係可以同自己中意的人白头到老，我相信好多人都会有决心嘎）。只要有一种豁出去的决心，咁就完成咗第一步啦。

其实，讲真啊，异地恋，最重要的只有一个字——信。既然都已经决定异地恋啦，就一定要信对方，如果唔信的话，倒不如一早就结束，唔好浪费大家的时间。因为，大家身处唔同地方，所以，有时候，听到流言蜚语，都无办法确定，只有选择相信对方。而且，就算你真係怀疑啦，都唔好表现出来，因为，无论对方有无出轨，只要一方开始怀疑，呢段恋情可以话已经开始慢慢写句号啦。

好多人会话，安全感都好重要。其实，安全感都係建立在“信”呢方面，如果你係令到对方觉得，你係100％的信任佢，咁佢自己就会觉得好有安全感，反之，一样。当然啦，仲要令到对方相信自己只爱佢一个，而且係无因为地理位置变化而变的。

我林，写到呢度，以家开始有人骂我啦，讲咗咁耐都係讲废话，一D实际的野都唔讲。咁其实，无论係学乜野，你首先要学的，係它的本质，至于怎样围绕本质去发展，可以自由发展，当然啦，如果你都係唔知道点做，咁可以睇落去嘎。

第一，联系。由于异地恋，联系一定唔可以少，本人就建议用短信加电话。短信可以将你平时的一点点心情发俾对方，至于电话，就可以讲一D短信表达吾到的情话，或者一日生活的趣事。当然，可以搭上偶而写的信，信里面唔一定要写D绵绵情话，可以写下你平时一D唔方便开口的话。就唔係好建议用Q视频。因为用Q视频，会成日出现相对无言，或者就咁睇到对方，乜都做唔到的情况，既浪费大家时间，而且会令到双反觉得大家之间的距离越来越远，最后导致乜，就唔使讲啦。当然啦，好耐无见对方，偶而见下都係必要的。

第二，内容。唔好以为真係联系就係普通的联系，都要讲究小小技巧嘎。我建议大家如果同对方倾电话，讲一日的情况的时候，对于人物的描述，尽量用人名来代替身份。 例如，今日我师妹问我借咗部相机。我地可以讲成：今日，A问我借咗部相机，我见我最近都无乜用到，就借俾佢咯；记唔记得A啊，就係上次同你讲过有感情烦恼的师妹呢。因为只要你向对方讲清楚，等佢了解你的生活圈子，咁你的平时联络的时候，就唔需要成日又要惊佢怀疑呢样误会那样，又要周围瞒来瞒去。至于讲话的真实性呢？我就唔建议大家讲大话啦，至少我以家係唔会讲的，因为，我以家知道无论点，纸都係包唔住火的，而且我乜都同对方讲晒，都无乜需要瞒住来讲大话啦。不过，我林，好多人比较难做到咯，唔係因为乜，而係因为异地恋的自由度实在太高啦，好多人会认为瞒一瞒又唔会知道嘎，所以，就会讲8分真，2分假。其 实，如果你真係想同佢白头的，无必要啦，佢会明白你咯，无必要瞒佢，咁只会令自己辛苦。

第三，节日。对于异地恋来讲，节日的重要性俾在同一个地方的更加重要。因为节日，可以体现你一个人细心程度，所以你要提前准备礼物。有时候，由于实在太远啦（好似我同我老婆咁，竖跨成个中国），不能翻去见面，只好提前好多准备礼物。仲要在节日的晚上，或电话，或视频等方式话俾佢听，你係同佢一齐度过呢个节日的。因为咁样可以避免佢同第D人出去（虽然话要相信对方，但係点都唔可以俾到机会对方的追求者嘎），又可以表明你那晚的立场（无陪第个）。

第四，呷醋。好多人会认为，呷醋其实係一种唔好的行为，但係其实适当的呷醋，会令到对方有一种被着紧的安全感。例如，当对方同你讲，话一个成日烦住要追佢的人，送咗一大份礼物俾佢。咁你就唔好再扮大度、无所谓啦。你应该恰当地用一些带有酸味的话表达自己的不满。咁样对方先会知道你着紧佢，并唔会产生一种：我在佢 心中都唔重要的感觉。当然啦，都唔好成日呷醋，如果郁唔郁都呷醋，只会令到对方觉得烦，你乜都管住佢，小小私人空间都唔俾。所以一定要掌握好个度咯。

第五，担心。同上面的呷醋一样，都係要适量，等对方知道你确实係着紧佢的。而且我相信，如果你真係好中意对方的话，唔需要做作就可以表达到出来。你唯一需要控制的就係唔好表现得太担心，因为对方都係一个有意识的独立个体，所以有时候就唔好认为对方乜都唔得。

第六，爱意。情话係必须的。但係都唔可以成日讲住嘎，任何野，讲多咗都会腻啦。在适当的时间讲适当的话。当然啦，如果你真係觉得呢个时候，你呢种感觉好强烈，都係一定要讲的。只要唔好俾情话变成一种习惯性口吻就OK啦。

第七，理解。由于大家都係异地，所以，好多生活习惯可以会变得唔同，所以，一定要理解对方，尽量用角色互换，体谅一下对方。

第八，见面。就算再长时间的异地恋，总有见面的时间嘎。如果你真係希望你的异地恋可以有个好结果，咁你一定要珍惜你们每次见面的时间，因为对于异地恋来讲，每一次见面的时间都係宝贵的。

第九，相互。以上的八条，其实都係对于恋爱中的一方所讲，讲到好似另外一方係乜都唔使做咁。其实唔係嘎，恋爱係两个人的事，异地恋就更加係咁样。因为佢要求两个人都为咗一个共同的理想而深深地爱住远方的一个人。如果一直以来都只有一个人在努力，无论点，佢地都係行唔长的。就算再有决心都係无用嘎。因为一个人的恋 爱係谈不来的。我唔係话要要求双方都要做到一摸一样，但係至少，另外一方都唔可以只係享受。因为，恋爱中的双方都係平等嘎～

……

其实，异地恋，最重要的就係大家信任彼此，为咗一个目标双方一齐去努力。

虽然话，世事难料，但係，同样的世事无绝对。无信心，就一定无。有信心，未必输。

所有异地恋的朋友，就算再辛苦，我地都係应该挨下去，唔係为咗自己，而係为咗两个人的未来。无野係无可能的。就算旁人唔睇好又点啊？至少我地自己要有信心先～

这篇有关于如何维持异地恋？的文章，就为您介绍到这里，希望它对您有帮助。